Менің Қазақстаным бейбіт, тату, мейірімді, қонақжай, тәуелсіз халық. Біздің Қазақстанда адамдар ешқандай таршылық көріп жатқан жоқ, бірақ адамдар таршылық көрсе, оның себебі жастайында оқу оқымағандықтан деп ойлаймын. Қазақстанда әр ұлттың өкілдері бар. Олар шешен, орыс, құрт, татар, өзбек, әзербайжан халықтары өте көп кездеседі. Қазақстанның танымал, әдемі, ата-бабаларымыздың қалдырған жері өте көп. Олардың біріншісі Астана. Астана отанымыздың елордасы. Президентіміз Нұрсұлтан Әбішұлы Назарбаевтың ұсынысымен 1997-ші жылы қала Қазақстанның жаңа Астанасы болып жарияланады. Қаланың ортасынан Есіл өзені өтеді. Астана тез өсіп, дамып келеді. Ол – еліміздің мақтанышы. «Астана – Бәйтерек» кешені – Астананың символы. Оның ең жоғары қабатына шығып қарасақ, жас әрі жаңа Астананың керемет көркін тамашалаймыз.
2-ші Алматы. Алматы-еліміздегі жер көлемі мен тұрғыны бойынша ең ірі қала. Алматы 60 жылдан астам уақыт бойы Қазақстанның астанасы болды. Ол Іле Алатауының етегінде орналасқан. Алматы – бау-бақшалы қала. Ол жасыл желекке бөленген.
Қалада театр, мұражай, кітапхана көп. Қазақстанның 1-ші университетінің негізі Алматыда қаланған. «Медеу» мұзайдыны мен «Шымбұлақ» таушаңғы шипажайы – қазақстандықтар мен қала қонақтарының сүйікті орны. 2011 жылы Алматы және Астанада Қысқы Азия ойындары өтті.
3-ші Ақмола облысы. Ақмола облысы еліміздің солтүстігінде орналасқан. Облыстың орталығы – Көкшетау қаласы. Бұл өлке астықты алқабымен ғана емес, қарағайлы орман, өзен, көлдерімен де танымал, олар: Қорғалжың қорығы, биші қайыңдар, Бурабай көлі және Жұмбақтас Көкшетаудың ғажайып табиғатын тамашалау әрі денсаулығын жақсарту үшін мұнда еліміздің түпкір-түпкірінен келген адамдар демалады. Ең басты демалыс орны – Бурабай шипажайы. Айтып кеткендей Қорғалжың қорығында сирек кездесетін құстар мен аңдар қорғауға алынған.
Ал ендігі 4-ші қала Талдықорған қаласы менің жаныма жақын қала, Алматы облысының орталығы. Мен осы жерде туылдым және осы жерде өсіп-өніп жатырмын. Облыс орталығы – Талдықорған қаласы. Облыстың табиғаты қайталанбас сұлулығымен ерекше деседі. Балқаш көлі – облыстың солтүстігіндегі ең ірі көл. Оған құятын жеті ірі өзен бар. Олар Іле, Қаратал, Бүйен, Ақсу, Лепсі, Басқан және Сарықан.Сондықтан Жетісу өлкесі атанып кеткен. Бұл аймақта Шарын шатқалы, Әнші құм және Шаған тоғайы бар. Іле Алатауының бөктерінде бақтар жайқалып тұр. Онда белгілі Алматы апорты өсіріледі. Есік қаласының маңында археологиялық ескерткіш – Алтын адам жерленген Сақ қорғаны бар.
5-інші Жамбыл облысы. Облыс орталығы – Тараз қаласы. Облыс республикамыздың оңтүстігінде орналасқан. Оның жер қойнауы пайдалы қазбаларға бай. Тараз Ұлы Жібек жолындағы көне қала. Облыс жерінде, қалада тарихи ескерткіш көп.Олардың ең танымалы – Қарахан мен Айша бибі кесенесі.
Мойынқұм мен Бетбақдала шөлдерінің де табиғаты ерекше. Жамбыл облысының жануарлар әлемі де алуан түрлі. Онда құлан, қарақұйрық, елік, қырғауыл кездеседі.
6-нышы Облыстың басты қаласы – Қарағанды. Қарағанды облысы Қазақстандағы ең ірі облыс. Бұл жерде еліміздің тарихи және географиялық орталығы болған Ұлытау тауы бар. Мұнда ұлы хандар маңызды істерін бастаудың алдында жиналған. Қарағанды көмір кеншілерінің астанасы деп атайды.Облыс аумағында аласа таулар бар, онда марал, қабан, түлкі, борсық, арқар тағыда басқа аңдар кездеседі.
Қарағанды облысының оңтүстігінде Балқаш көлі бар. Ол әлемдегі ерекше көлдердің бірі. Өйткені, оның бір бөлігі ащы екінші бөлігі тұщы су.
Жетінші Байқоңыр ғарыш алаңы Қызылорда облысында орналасқан. Сол жерден зымырандар ұшырылады. Алғаш рет ғарышқа көтерілген Юрий Алексеевич Гагарин біздің Байқоңырдан ұшты. Қазақтың ғарышкерлері де осы Байқоңырдан, яғни өз жерімізден көкке көтерілді. Қазір әлемде 20-дан астам ғарышалаңы бар. Бірақ зымырандарды ұшыру жөнінен біздің Байқоңыр 1-інші орында тұр.
Сегізінші біздің киіз үйіміз. Киіз үй-ағаш пен кйізден жасалған қазақтардың ежелгі дәстүрлі баспанасы. Бұл-көшпенділердің ойлап тапқан керемет туындысы. Киіз үйді бір жерден екінші жерге алып жүру өте оңай. Оны 1 сағаттың ішінде құруға болады.
Тоғызыншы ұлттық киім. Қазақтың ұлттық киімдерін қамқа, торқа, жібек, бөз және басқа да түрлі маталардан, жүннен, теріден, былғарыдан тіккен, алтын, күміспен сәндеген.
Оныншы қазақтың ою-өрнегі: киім-кешек, қару-жарақ, тұрмыс құралдарын безендіретін әшекей нақыш. Өрнектерден құс, жан-жануар, өсімдіктің бейне сұлбаларын байқауға болады. Біздің жеріміздің тарихы бай. Сондықтан біз өзіміздің Қазақстанымызбен мақтанамыз.
