Мен өз Отаныммен, еліммен мақтанамын. Себебі, менің қалам әсем әрі көрікті. Әрине басқа қалалар жаман емес. Өйткені отан деген-сенің кіндік қаның тамған жер, ата-анаң, досың, Отанға деген махаббат, сыйластыққа ұласса бұл адамның рухани биіктігі. Дегенмен де Отанға деген сүйіспеншілік, анаға деген махаббатпен тең. Менің ұлтым қазақ. Ал Отаным Қазақстан.
Қазақстан –кең байтақ ел. Төбесі көкке тірелген таулары бар. Көк жасыл орманы мен тоғайы бар, асу-асу белдері бар, қойнауы алтын астық пен малға толған кең жазира даласы бар. Қазақстан әлемге әйгілі, өте бай ел.Табиғаты әр алуан жан-жануарларға толы, аққулы көлдері бар, тула толқынды теңізі бар, әсем әрі көрікті қаласы бар, достығы жарасқан көп ұлтты мемлекет. Әнұранымен әйгілі, туымен тұғырлы, елтаңбасымен еңселі егемен елімізге қызыға қарамайтын ел жоқ шығар. Қазақстан менің туып өскен, яғни туған жерім. Мен үшін туған жер адам өмірінде киелі орын алады. Себебі, сені нақты осы жерде елімен, өткенімен және болашақпен байланыстырады. Тіпті балалық кезден бастап-ақ адамда Отанға деген махаббат сезімі оянады екен. Әр біріміз үшін Отан ошақ басынан басталады: туған жер, туған көше, туған қала немесе мен үшін туған кент. Мен тұратын қала үлкен болса да, мейлі кішкентай болса да мен үшін аса қымбат жер. Мен тұратын қала Талдықорған. Дәл осы жерде менің көңілді де, шатты, уайымсыз балалық шағым өтуде.Үйдің маңайындағы аулада ойнағаным және балабақшадағы кездер де есімде. Сол кезде маған бала-бақшаға баратын жол ұзақ болып көрінетін. Мұнда көлік сирек жүретін бірақ серуендеп жүрген адамдар көп болатын. Иә... Туған жер ұзаққа қиып жібермейтін. Қазақстандай жері шұрайлы, шөбі шүйгін өлкені мен әрқашан мақтан тұтамын. Өз отанын сүю, өз ана тілін ардақтау – әрбір адамзаттың бірінші міндеті.
Мұқағали атамыз: «Сендердікі қоғам, өмір, заман да, Сені түзеген қалаңменен далаң да болашақта барлығы да сендердікі, жас ұрпақ, сендерге аманат етіп табыстаймыз қабыл алыңдар!» - дейді.
Біз – халқымыздың үміт артарымыз, өлкемізді көркейтіп жасартары да біз – жастар. Біз енді тәуелсіздігімізді сақтау үшін, оны баянды ету үшін өмір сүруіміз керек. Ел қамы үшін пейішке де, тозаққа да бірге кіруе тиіспіз. Бабалар қалдырып кеткен Ұлы дала алдындағы жауапкершілік бізді бүгін осыған шақырып отыр. Біз ата-ананың үмітін қалай ақтасақ, өз Отанымыз Қазақстанның да үмітін солай ақтауға тиіспіз.Отан оттан да ыстық деп қазақ халқы бекер айтпаған. Отан үшін үлес қосуға әрқашанда дайынбыз. Бұл мақалдың мағынасы осымен шектеле қалмайды. Әрине. Бұның мағынасы тереңде жатыр. Қазақстан ғажап ел. Менің ойымша қазақстанның барлық жерін аралап сырын ашқан ешкім жоқ. Осындай ғажап қалада әртүрлі ұлт өкілдері бар. Кейбір деректерге қарағанда әлемде 256 ұлт бар екен. Ресми мәліметке сенсек, соның 130дан астамы Қазақстанда тату-тәтті өмір сүріп, бірлік пен ынтымақта ұлтаралық татулық пен бірлікті басым жылдардын бері ұстанып келеді. Мысал: орыстар, өзбектер, украиндар, ұйғырлар, татарлар, немістер, кәрістер, әзербайжандар, беларустар, түріктер, дұнғандар, поляктар, күрдтер, шешендер, тәжіктер, қырғыздар,башқұрттар,т.б. Мен еліммен мақтанамын!
Қазақстан – атамекен, құт қанған жер,
Кең далада,суы мөлдір, нұр тұнған жер.
Көкорай белестері мақпал кілем
Қырлары қызғалдағы құлпырған жер.
