Н. Назарбаев «Жаңғыру жолында бабалардан мирас болып, қанымызға сіңген, бүгінде тамырымызда бүкілдеп жатқан ізгі қасиеттерімізді қайта түлетуміз керек».
« Рухани жаңғыру-ұлттық өрлеудің ұлы күші »
Елбасымыз Н. Назарбаев биылғы « Болашаққа бағдар: рухани жаңғыру » атты мақаласында елімізді рухани жаңғыруға бастайтын басым бағыттарды талдап-таразылай отырып, алдағы мақсат-міндеттерімізді де айқындап берген болатын. Халқымыздың үштен бірін ашаршылыққа ұшыратқан кеңестік тоталитарлық биліктің солақай саясатын, қасіретке толы тарихымыздың ақтаңдақ беттерін қайта парақтаған.
Мемлекет басшысы тұрақты дамудың даңғыл жолына түскен тәуелсіз еліміздің жаhандық сын-қатерлер қыспағында ХХI ғасырда ауыз толтырып айтарлықтай жетістіктерге қол жеткізіп, ұзақ мерзімді стратегияларымыздың нағыз ұлттық жаңғыруға жол ашып отырғанын да мақтанышпен жеткізген.
Сол себепті де Елбасымыздың осынау қоғамның бар мүшесі қолдап –қуаттап, өз пікір-ұсынысып жолдап отырған рухани жаңғыруға байланысты бағдарламалық мақаласы арқылы жасампаз жұртымыздың дүниетанымына да түбегейлі өзгеріс енгізіп, ұлттық рухани құндылықтарымызды өз мүддемізге тиімді жарата білуді,
жаhандық өркендеудің жағымды үдерістерінен кейін қалып қоймауды, қайта оған жаңаша сипаттың серпін беруді қалап отырғаны даусыз.
Осы тұста Ұлт Көшбасшысы рухани жаңғырудағы ұлттық сананың өзіндік рөліне баса мән беріп, болақта атқарылар ауқымды міндеттерді нақтылап, қай игі бастаманы болмасын рухани жаңғыруымыздың басты тетігіне айналдыруға рухани ұстындарымызды –тамыр-тарихы тым тереңде жатқан салт-дәстүрлері- мізді деліміз бен дінімізді оңтайлы пайдаланудың мән-маңызы ерекше екенін алға тартқан болатын.
Рухани жаңғыруда ұлттың өзіндік болмысын сақтап, мерейін үстем етуде, біріншіден, ұлттық код пен төл мәдениетті өміршең етудің, екіншіден, рухани дамуымызға тежеу болатын кешегі « теріс түсініктерімізден» түбегейлі түрде бас тартып, кешегі мен бүгінгінің озық тәжірибелерін салыстыра –сабақтастыра отырып, өзара ішкі үйлесімділікті табудың, ұлттық бірегейлікті сақтаудың, ұлттық сана-сезімнің өрісін кеңейтудің маңызы зор болмақ.
Себебі ұлттық сипаттағы өркениеттен ажырамаған мемлекеттің ғұмыры ұзақ болатынын тарих сан мәрте дәлелдеген.
Сондықтан біз де Елбасымыздың арман-аңсарына айналған рухани жаңғыруымыздың басты бағдарынан ауытқымай, жаhандық даму үдерісіне өзіміздің ұлттық болмысымызбен еніп, жаңа сапалық деңгейге қол жеткізуміз қажет. Ал, ол үшін сананын ашықтығын қамтамасыз етіп, өркениет көшіне ілескен озық елдерден кейін қалып қоймау қажет. «Білімді адам тілін билей алады» деп Жүсіп Баласағұн өсиет еткендей, әлемдік тілдерді меңгеруге де мән берген жөн.
Бұл өз кезегінде біздің ғаламдық үрдіске толыққанды араласуымызға жол ашып қана қоймайды,озық тәжірибе арқылы жемісті жетістіктерге қол жеткізуімізге барынша қолайлы жағдай тудырады.
Қазірдің өзінде еліміздің білім саласындағы оңды реформалардың арқасында жоғары оқу орындары мен орта білім беру мекемелерінде бірқатар пәндердегі дәрістер информатика, математика ағылшын тілінде өтуді. Ал келесі жылдан бастап орта мектептердегі негізгі төрт пәннің сабақтарың да осы тілге көшіру жоспарланып отыр. Мұның бәрі-арнайы сұраптау-сұраптаудан өтіп, терең-
екшелген қадам.
Олай болса, Мемлекет басшысының таяу жылдарда қазақ әліпбиінің жаңа графикадағы бірыңғай стандартты нұсқасын қабылдап, латын әліпбиіне көшуді жеделдетуді ұсынуы құптарлық іс. Себебі жаңа бастаманың септесуімен біз отандық білім беру жүйесіне басы бүтін өзгеріс енгізіп, дүние жүзінде баламасы жоқ « Жаhандық заманауй қазақстандық мәдениет»
«Қазақстандағы 100 жаңа есім», « Туған елге» ұласатын «Туған жер» секілді ауқымды бағдарламалар мен жобаларды жүзеге асыру арқылы бұл саланың тамырыңа қан жүгіртіп қана қоймай, оны ғаламдық кеңістікке, әлемдік деңгейге көтеріп, бәсекеге қабілеттілігін арттыратын боламыз. Шынтуайтында, Елбасымыздың осынау бастамасы ұлтымыздың болашағы мен рухани әлеуетін ойлаудан туғаны талас тудырмайды.
Өйткені, біз ұлтымызда рухани жаңғырту арқылы аумалы-төкпелі заманда өз тарихи таңдауымызды жасап, өркениетті әлемнің ажырамас бөлігі саналуды мақсат тұтқан елміз. Ел қолдаған Елбасының да, көпұлтты, көпконфессиялы қоғамымыздың да, қала берді осы мақаланың басты мазмұны іспетті әрбір қазақстандықтың санасын жаңғыртуға бағытталған алты негізгі бағыттың да көздегені-дәстүр-салтымыз бен туған тарихымызды елімізде жүріп жатқан саяси реформалар мен экономикалық жаңғырудың басты өзегіне айналдыру.
Сондықтан біз латын әліпбиіне көшуді дұрыс қадам деп есептейміз. Өйткені бұл бастама күн тәртібіне бүгін ғана қойылған жоқ.
Мемлекет басшысының бірнеше жыл бұрынғы жолдауында да көтерілген. Олай болса, ұлттық мүддемізбен астасатын бұл бастама белгілі бір деңгейде рухани тәуелсіз ел атауымызға жол ашады деуге толық негіз бар. Өйткені, еліміздегі саяси тұрақтылық пен қалыпты экономикалық ахуал, түрді саяси реформалар мен стратегиялық бағдарламалар бұл жұмысты мүлтіксіз атқаруымызға мүмкіндік береді. Солай екен, латын әліпбиіне кезең-кезеңімен көшіп, Үкіметтің сауатты бағдарламасы аясында түсіндіру жұмыстарын жүргізіп мерзімді БАҚ беттеріндегі насихатты да жандандыра түскен дұрыс. Елбасы мақаласында латын әліпбиіне көшудің нақтылы кестесін әзірлеумен бірге жыл соңына дейін ғалымдарымыздың көмегімен және жалпы жұртшылықтың талап –тілегі мен ұсыныс-пікірлерін де ескерусіз қалдырмай қазақ әліпбиінің жаңа графикадағы бірыңғай стандартты нұсқасын қабылдауды ұсынуы бекер емес. Бұл жерде Елбасымыз « Келісіп пішкен тон келте болмас» деген халық даналығына терең үңіліп, мемлекеттік мән-маңызға ие іске қоғам болып атсадысуға, оны бірлесе жүзеге асыруға үндеп отыр.
Ал, 2018 жылдан бастап жаңа әліпбиді үйрететін мамандарды даярлау мен орта мектептерге арналған осы үлгідегі оқулықтарды дайындау да қолға алынатын болады.
Қорыта келгенде. Ұлт Көшбасшысынын кешелі-бүгінді жұрт аузынан түспей қоғамдық талқының өзегіне айналып отырған « Болашаққа бағдар: рухани жаңғыру» атты мақаласы рухты халқымыздың көптен күткен көңілін дегісін дөп басқан дүние болды. Ендігі біздің міндет-осы бастаманы ел болып қолдап –қуаттай отырып, оны баянды ету жолында аянбай еңбек ету болмақ.
Powerpoint жүктеу
