Тамыры тереңге жайылған білім ұясының тарихы өте бай. «Азаматына қарай ауылы,басшысына қарай қауымы» демекші,бұл қасиетті шаңырақта өте тәрбиелі , дарынды және ұлтжанды ұстаздар еңбек етіп,шәкірттеріне жақсы тәлім –тәрбие бере білген. Мұғалім – ерекше мамандық иесі, адам жанының инженері. Мұндай абзал жандар жас ұрпаққа баянды білім берумен бірге саналы тәртіпке, саналы тәрбие беруге үйретеді. Сол кездегі мектеп-интернат аудандағы озық коллективтердің біріне айналады. Бұл мектепте үлгермеушілік мүлде болмаған. Бұл дұрыс басшылықтың, ұйымдастырушылықтың жемісі деп білемін.
Аудан әкімшілігі Карабалин Сүлейменді мәңгі есте қалдыру мақсатында Жылыой ауданының 70 жылдық мерейтойына орай, Қазақстан Республикасы Президентінің ұйғарымы мен аудан ардагерлер кеңесінің ұсыныс-пікірлерін басшылыққа ала отырып, ауданымыздағы әлеуметтік дамуына зор үлес қосұан азаматтардың атына Құлсары поселкесінде көше атауларын беру туралы шешім қабылдап , аудандық ағарту ісін дамытуға елеулі үлес қосқан ұйымдастырушы Карабалин Сүлеймен Қабдырахманұлына 1991 жылы Қамыскөлдің бір көшесіне атауы берілді.Бұл шара үлкен тойға айналды. Ұрпақтары,ағайындары жиналды. Әріптестері,шәкірттері ұстазға деген риза көңілмен ыстық ықыластарын ортаға салды,естеліктер айтылды. Негізгі ұйымдастыру міндеті Сүлеймен ағаның жұмыс жасаған орны Қамыскөл мектебінің еншісіне тиген болатын. Сүлеймен ағаның үлкен портреті ілініп,мектеп мұражайына оның өмірі мен еңбегңн толық қамтитын жәдігерлер жинақталған еді. Сол кездегі мектеп директоры Зерлеш Әбішева –осы мектептің түлегі,Сүлеймен ағайдың шәкірті еді. Ол кісі ұстазының талантына бас иушілердің бірі екенін жасырмады.Мінсіз ұйымдастырылған бұл шара көрермендердің көңіліне «шынында осы баланың ісінде ұстазының қолтаңбасы жатыр-ау» деген мақтаныш сезімін ұялатты.
Қазақстан Республикасы Үкіметінің 2007 жылғы 20 сәуірдегі №321 қаулысы негізінде «Қазақстан Республикасындағы ұйымдарды, теміржол станцияларын, әуежайларды, сондай-ақ физикалық-географиялық объектілерді атау мен қайта атаудың және олардың атауларының транскрипциясын өзгертудің тәртібін бекіту туралы»Қазақстан Республикасы Үкіметінің 1996 жылғы 5 наурыздағы
№281 қаулысына сәйкес Атырау облысы Жылыой ауданыҚұлсары қаласының №15 жоғары сатылы жалпы орта білім беретін мектебіне белгілі педагог Сүлеймен Карабалиннің есімі берілді.
12
Иә, «Сүйер ұлың болса, сен де сүй, сүйсінуге тұрар ол» - деп, ұлы Абай айтқандайкөшеге және мектепке Қарабалин Сүлеймен Қабдырахманұлы есімінің мектепке берілуі - ұстазға деген халық махаббатының айғағы деп білемін.
Ал 2009 жылы Сүлеймен ағайдың ұрпақтарының басшылығымен «Каспий құбыр желісі консорциумы» және «Казтрансгаз» акцоинерлік қоғамдардың қаржыларына құрылысты «Атырау мұнай және газ сервис» компаниясы жалғама жаңа мектеп ғимаратын салып,ішін заманауи талапқа сай оқу құралдарымен жабдықтап сыйға тартты.Қазіргі таңда мектеп оқушылары кабинеттік жүйеде білім алуда. Бұл- мен және мен секілді оқушы балалар үшін үлкен қуаныш болды.
Мектеп адамды үлгіге,өнегелі іске тәрбиелеудің киелі орны. Бұл баршамызға мәлім. Ыбырай Алтынсарин айтқандай «мектептің соғып тұрған жүрегі іспетті» болған ұстаз Сүлеймен ағайдың есімі мектепке беріліп, туған күніне орай метебімізде«Жылдың үздік оқушысы» байқауы өтіліп тұрады. Байқауға мектептің озат оқушылары қатыса алады. Байқауға қатысқан оқушыларды мектебіміздің жанынан ашылған «Білім қорынан» бөлінген«Сүлеймен Карабалин атындағы степендият» игері болып, ақшалай қаражат беріледі. Бұл қор мектебімізде бірнеше жылдан бері үздіксіз жұмыс жасауда. Қордың негізгі мақсаты мектебіміздегі озық ойлы, білімді,дарынды шәкірттерімзідің шығармашылығын шыңдау, оларды қолдау болып табылады.
Сонымен бірге айта кетерлік елеулі іс - мектеп мұражайы. Мектеп мұражайын алғаш ұйымдастырған мектеп директоры Карабалин Сүлеймен мен тарих пәнінің мұғалімі Нығметжанов Ибатай. Мұражайда аудан тарихын бейнелейтін құнды құжаттар, археологиялық бұйымдар жинақталды.
Сол жылдары мектеп мұражайы Республика мектептері бойынша ІІІ орынға ие болды. Бұл мектеп мұражайы кейін аудан мұражайының негізін қалады.
Сүлеймен ағайың осы бастап кеткен ізгі ісі бүгінде жалғасын табууда. Мектебіміздегі мұражайда Карабалин Сүлеймен Кабдырахманұлының өмірдеректері толықтай қамтылған. Сондай-ақ «Тағдырында ғасырдың ізі қалған», «Бас иеміз қасиетіне ұстаздың», «Әке.Аға.Ұрпақ.» тақырыптарында жасақталған стенділер мен бірге мектеп оқушылары мен ұжымның жетістіктері жинақталған.
2007 жылы білім беру ұйымдары мұражайларының облыстық сырттай байқау-сайысына белсене қатысқаны үшін Жылыой ауданы №15 жоғары сатылы мектеп мұражайы Атырау облыстық білім беру департамент директоры С.Аманғалиевтің «Алғыс хатымен» марапатталды.
Қазіргі таңда мектеп мұражайында Сүлеймен Қабдырахманұлын өмір жолдарымен таныстыру және ізгі істерін дәріптеу мақсатында сынып жетекшілердің ұйымдастыруымен дәріс сабақтар өтіп тұрады.
Ұстаз-ұлағатты мамандық иесі.Өйткені,ұстаздың жолы- нұрлы жол.Оның соңында өшпес із,сарқылмас өнеге қалары хақ.Бұл өмір заңдылығы.Адам ұрпағымен мың жасаса,ұстаз шәкіртімен мың жасайды.Бақытын ұстаздықтан іздеген Сүлеймен Қабдырахманұлының салған жолы мәңігі есімізде қалады.
13
Мен зерттеп отырған ұлы ұстаздың өмір жолдары мен істерін,өзім білім алып отырған мектептің сол кісінің есімімен аталуы жөнінде мағлұматтар барысындатек ұлы ұстазды ғана таныған жоқпын, халықтың ардақты сыйлы ұлы, асқар таудай әкені танып білдім. Інісімен,шәкіртімен,әріптесімен сұхбаттаса отырып, біраз нәрселерді көкейіме түйдім. Қалың қазақтың игілігі үшін, анадан туған алып деп білдім. Имандылық, дарындылық, мейірімділік, шыншылдық, қарапайымдылық сынды жан-жақтыжақсы қасиеттердің бойынан табылуы, Сүлеймен ағаның тарихтағы орнын биіктете түспесе аласартпайды. Адамзат өмірі мәңгілік,саналы ғұмыры істеген ұлы істері ұрпғынан ұрпағына үлгі болып жалғасын таба бермек. Өз жұмысымды мына бірөлең шумақтарымен аяқтағым келіп тұр:
Ақша бұлттай аспанда жүзіп арман,
Алаңдатпай көңілін қызық алуан.
Қайсарлардың болған соң қанаттысы
Жайсаң жанның артында ізі қалған!
Қалдырған ізі-өмірдің өзегіндей мәңгілік
