І. Сабақтың тақырыбы: Атом құрылысының заманауи теориясы, атомдағы электрондар күйі, квант саны. Атом
құрылысы тұрғысынан периодтық заң және химиялық элементтердің периодтық жүйесі.
Сабақтың түрі және типі жаңа білім беру сабағы
1. Мақсаты Атом құрылысының заманауи теориясы, атомдағы электрондар күйі, квант саны, атом мен
атомдық орбитальдар құрылысы, электрондар күйі, Паули принципі, изотоптар туралы толық түсінік беру.
Химиялық элемент, оның жіктелуі мен сипаттамасы, заттың құрылым бірліктері: атом, ион, молекула және
олардың сипаттау. Үштілдік компонеттерді еңгізе отырып, қажетті терминдермен таныстыру.
2. Міндеттері
а) Білімділік: Химиялық элемент, оның жіктелуі мен сипаттамасы, заттың құрылым бірліктері: атом, ион,
молекула және олардың сипаттау.
ә) тәрбиелік; Алған білімдерін қолдана білуді үйрету, жауапкершілікке, бір-бірінің жауаптарын тыңдауға, зейінді
болуға, достық қарым-қатынасқа тәрбиелеу.
б) дамытушылық Оқушылардың сараптау, талдау, анализдеу, өз ойларын толық айту, ой-өрісін дамыту,өз бетінше
жұмыс істей білуге, пәндік, ақпараттық, комуникативтік құзыреттіліктерін дағдыландыру. Үштілдік оқыту жүйесін
дамыту.
ІІ. Күтілетін нәтиже.
а) оқушылар түсінуі тиіс Оқушылар Д.И.Менделеев ұсынған периодтық заңның ережесін айтып, нақты мысалдар
келтіре отырып, жеке-жеке элементке және оның қосылыстарына сипаттама бере білуі. Атом құрылысын сипаттай білу.
ә) оқушылар құндылы бағдары болуы Окушылар элемент және оның қосылыстарының қасиеттерін период бойынша
талдай білу
б) оқушылар жасай біледі: химиялық элементтерге сипаттама беру, тақырып бойынша терминдерді үш тілде атай білу
Сабақ барысы:
І. Ұйымдастыру кезеңі: Оқушылармен сәлемдесу. Оқушылардың сабаққа қатысуын қадағалау және тексеру.
ІІ. Білімді актуализациялау: Фронтальды сұрау:
Атом, молекула, химиялық элемент дегеніміз не? Айырмашылықтары.Атом құрылысын сипаттау. Мәні. Паули
принципінің заңдылығы. Изотоптар мен иондардың айырмашылығы.
