Қайырлы күн, құрметті әріптестер.
Мен, Петропавл қаласындағы № 2 орта мектебінің биология пәнінің мұғалімі Бекбулатова Динара Агибайевна, сіздердің алдарыңызға оқу бағдарламасының жаңартылған мазмұныңдағы қысқа мерзімді жоспарымды ұсынамын.
9.2.4.4. Толық және толымсыз доминанттылықты салыстыру.
- Барлық оқушылар: Толық және толық емес басымдықтың айырмашылығы мен ұқсастықтарын табады.
- Оқушылардың көпшілігі: Мысалдардың көмегімен аллельді гендерінің әрекеттесу түрлерінің ерекшеліктерін талқылайды.
- Кейбір оқушылар: Толық және толымсыз доминанттылық мысалынан олардың бір-бірінен қаншалықты ерекшеленетіндігін дәлелдейді.
Сабақ мақсаттарын оқушылардың қажеттеліктерін ескере отырып, пәнінің ерекшеліктеріне бағдарланып, SMART мақсатында жасауға тырыстым.
Оқу мақсатына жету үшін қолданатын белсенді оқу әдістерім: сабақтың басында жұптық жұмыс формасы ретінде «Венн диаграмма» әдісін, сабақтың ортасында – топтық жүмыс формасы ретінде «Галереяны шарлау» әдісін, сабақтың соңында – жеке жұмыс «Генетикалық есеп шығару» әдісін қолдануды жоспарлаймын.
Осы әдістердін ішінен «Галереяны шарлау» әдісін ұсынамын, өйткені ол сабақтың мақсатына жетуге көмектеседі деп жоспарлаймын.
Бұл әдіс тиімді болады деп ойлаймын, себебі жұмыс топтың ішінде жүреді, және оқушылардың өзіндік кері байланыс жасау дағдыларының дамуына, сыныптағы жалпы жұмысқа үлес қосып, қатысқаның сезінуге, оқу үдерісінің белсенді мүшесі болуына, және де құрдастарымен қарым-қатынасының жақсаруына, танымдық, белсенділігінің артуына мүмкіндік береді. Мұғалімнің сабағының оқу мақсатына жетуге, сабағын қызықты ұйымдастыруына және өзінің кәсіби шебердігін шыңдай түсуіне ықпал етеді.
Саралау сабақтың өң бойында жүреді. Тапсырма, дереккөздер, қарқын, диалог және қолдау көрсету мен бағалау деген саралау тәсілдерін қолануды жоспарлаймын.
Жеке бағалау тәсіліне тоқталатын болсам «Білемін, білдім, білгім келеді» тәсілі туралы айтқым келеді. Оқушылардын қажеттеліктеріне қарай бағытталған, олардың ақпаратпен жұмыс істегенде, сын тұрғысынан ойлауын дамыту үшін бұл тәсіл сабақ бойы жүреді.
Сабақтың басында оқушылар өткен сабақтардан білетіндерін кестенің «білемін» бағанына жазады. Сабақтың ортасында «білдім» бағанын толтырады. Сабақтың соңында әрбір оқушы сабақтаң үйренгендігін талқыға салып «білгім келеді» бағанына не білгені келетіндерін жазады. Оны қайдан іздеп оқитындарын «білу үшін жасайтын әрекеттерім» қатарына жазуына болады.
«БББ кестесі» тәсілі оқушының берілген мақсат бойынша не білетінің және нені білгендігін шыңдай отырып, сонымен қатар рефлексиялық есеп жасауға баулиды. Және де осы тәсіл арқылы оқушылардың сабаққа қызығушылығы арттырып, мақсаттарға жетуге ықпал етеді. Бұл тәсіл арқылы мұғалім сабақ бойынша оқушылардың ұсыныстарын жинап, сабақты қорытып, игерген білімді оқушылардың әрі қарай өз бетінше тереңдетуіне бағыттайды.
Сабақтың мақсатына сай мен мынадай бағалау критерийлерін құрастырдым:
- Толық және толымсыз доминанттылықты салыстырады.
- Аллельді гендердің әрекеттесуін сәйкестендіре отырып, доминанттылық белгілердің пайда болуын есептеу арқылы дәлелдейді.
- Толық пен толымсыз үстемдіктің нәтижелерін мен маңызындылығын талдайды.
Бірінші бағалау критерий бойынша «Венн диаграмма» әдісін ұсынамын. Оқушылар жұппен жұмыс жасап толық пен толымсыз доминанттылықты салыстырады.
Осы тапсырманың дескрипторы:
- Толық доминаттылықтың айырмашалығын жазады.
- Толымсыз доминаттылықтың айырмашалығын көрсетеді.
- Толық және толымсыз доминаттылықтың ұқсастықтарын табады.
Дескриптор оқушылардың қадамын нақтылап, нәтижеге жету жолын анықтайды.
Бұл тапсырмаға қалыптастырушы бағалаудың «Бес саусақ» әдісі тиімді деп ойлаймын, оқушылар өзін-өзіне баға беріп, кері байланыс жасайды, және оқушыларды алға ілгерілеуді жандандырады. Бұл әдісінің мұғалім үшін пайдалы тұстары – бұл мұғалім мен оқушы қызметін түзету және оқу нәтижесін жақсарту.
Назарларыңызға рақмет.
