Оқушы бойында мемлекеттік тілге деген сүйіспеншілікті қалыптастыруға, қазақ тілі арқылы жасалған ойдың кестелі өрнектеріне үңілтіп, ауызша, жазбаша сөздік қорларын молайтуға, шығармашылық қабілетін дамытуға, білім сапасын тереңдетіп, мемлекеттік тіліміздің қолдану аясын кеңейтуге, Тіл туралы заңды жүзеге асыруға барынша қолғабыс ету -- әрбір қазақ тілі пәні мұғалімінің міндеті. Сабаққа деген оқушының қызығушылығын арттырып, бүгінгі заман талабына сай білім беруде мұғалім шығармашылық ізденісте үнемі болуы шарт. Жаңа технология арқылы баланың жасырын, тіпті тым тереңде жатқан қабілеттерінің көрінуіне, өздігінен шығармашылық жұмыспен айналысуына мүмкіндік жасайды. Бүгінгі күннің талабына сай инновациялық әдістер мен ақпараттық компьютерлік технологияларды қолдану, оқу үрдісінде түрлі деңгейлік тапсырмалар жүйесін әзірлеу, оқыту бағдарламалары, оқушы мен мұғалімге арналған зертханалық-практикалық және мәдени практикалық жұмыстар жеке тұлғаның сапасын қалыптастыруға септігін тигізетіні белгілі. Осыған орай сабақ беру үрдісінде инновациялық әдістер оқытудың интерактивті оқыту моделі болып табылады.
Жаңа технологияларды қолдана отырып, біз оқушыны төмендегіге үйрете аламыз:
1.Өз бетімен ойлауға.
2.Жаңа шешімдер табуға.
3.Ұжымдық өмір сүруге.
4.Шыдамды болуға.
5.Өзгелердің көзқарас пікірлерін тыңдай білуге.
6.Өзінің жеке болашағын жасақтауға.
7.Өз бетімен білім алуға.
Сабаққа деген қызығушылықты арттыру, оқушының ізденуін, танымын қалыптастыру мақсатында кіріктірілген сабақтарды пайдалану абзал. Оқу- тәрбие үрдісінің сабақта дұрыс жүргізілуі үшін әр алуан оқыту әдіс- тәсілдерінің тиімдісін таңдап алуға көп көңіл бөлу керек.
Интерактивті әдістер ішінде төмендегілерді атап беруге болады:
-анкетаны;
-кестелерді;
- проблемалық шығарма әдістерін;
- түрлі презентацияларды, буктрейлерді;
- пікірталастарды;
- кейсстадийлерді;
- топпен жұмысы;
- миға шабуылды;
- сын тұрғысынан ойлауды;
- викториналарды;
- мини зерттеулерды;
- іскерлік ойындарды;
- рөлдік ойындарды;
- блиц-сұрақтарды.
Бұлардың ішінде, айтар едім, Венн диаграммасыарқылы тапсырмалар топпен жұмыс кезінде сәттірек шығады. Венн диаграммасы жыл мезгілдерін, ақын-жазушылардың өмірі мен шығармашылығын, аңдар мен үй жануарлары, қорықтар, сөз таптары, септіктер сияқты тақырыптарды өткенде, салыстырулар жасап, олардың айырмашылығы мен ұқсастықтарын табуға белсене араласады.
Сын тұрғысынан ойлауды дамыту технологиясын басшылыққа ала отырып, әр оқушының өз деңгейінде дамуына мүмкіндік жасауға болады. Сын тұрғысынан ойлауды үйретудегі шартты белгілер:
-сын тұрғысынан ойлауды тудыру үшін уақыт керек:
-оқушыларға ойланып-толғануға,ойын ашық айтуға рұқсат беру;
-әртүрлі идеялар мен пікірлерді қабылдау;
-үйрену барысында оқушылардың белсенді іс-әрекетін қолдау;
-кейбір оқушылар түсіп қалған жағдайларды әжуаға айналдырмау;
-оқушылардың бір-бірінің жауабынасынының дәлелді,дәйекті болуын талап ету;
-сын тұрғысынан ойлауды бағалау т.б.
Орыс мектептеріндегі балаларға тілді үйрену жеңілдеу болу мақастында тілдің күнделікті практикалық жағын қарастыру қажет. Қазақ тілі сабағында оқушының ауызша, жазбаша сөйлеу тілін қалыптастыра отырып, сөз байлығын үнемі молайту керек. Сабақ барысында шығармашылықпен жұмыс істеуге, үнемі өз бетімен ізденуге дағдыландыруды көздеу де абзал. Оқушылардың тіл деген құбылыстың өте қызықты екенін дәлелдей отыра, сабаққа қызығушылықтарын арттыру.
Оқытуда әдіс – тәсілдерді тиімді таңдап алу оқытуда табысқа жетуге болады, әрі сабақтың тиімділігі мен сапасын барынша арттыруға мүмкіндік бар. Балаға терең білім беру үшін ұстаз пәнді өзі жетік меңгеріп, оны балаға ғылыми тұрғыдан негіздеп, қарапайым тілмен, өмірмен байланыстыра отырып бере білуі қажет, олардың жас ерекшеліктеріне қарай жеке бастарының психологиясын білуі абзал, ғылым мен педагогика саласындағы жаңалықтарды үнемі пайдаланып отыруы тиіс.
Оқытудың инновациялық әдістері мен ақпараттық технологияларды пайдалану – педагогикалық іс- әрекеттердің мазмұны мен формасын толықтыру негізінде оқыту үрдісін жетілдірудің бірден бір жолы. Компьютерлік желілерді, интернет жүйесін, электрондық оқулықтарды, мультимедиалық технологияларды, қашықтан оқыту технологиясын пайдалану оқу орындарында ақпаратты- коммуникациялық технологиялар кеңістігін құруға жағдай жасайды.
Пайдалынған әдебиет:
- https://ukz.kz
- https://tarim.kz
- Вестник КазНМУ - ҚазҰМУ журналы -2016 ж № 11
- Қалиева Г. Жаңа технологиялардың тиімділігі // Биология, Қазақстан мектебі журналы. - 2010. - № 2. - Б. 2732.
- Көбенғалиева Р. Білім беруде ақпараттық технологияны насихаттау //Информатика негіздері. - 2012- №5. - Б. 9-10.
