№14 орта мектеп-гимназиясының қазақ тілі мен әдебиеті пәнінің мұғалімі Сатаева Е.Б. рефлексивті есебі
Қазақ әдебиеті пәнінен 5 б сыныбына «М.Мақатаевтың «Фантазия» өлеңі» тақырыбында сын тұрғысынан ойлау технологиясының әдіс-тәсілдерін пайдаланып сабақ өткіздім. Сабаққа мектеп әкімшілігі мен пән мұғалімдері қатысты.
Сабақты жоспарлау кезінде мұғалім көп ізденеді, сабақтың жақсы, нәтижелі өтуі мұғалімнің шеберлігінің нәтижесі, жемісі. Сондықтан мен сабақты жоспарлағанда көп ізденемін.
Сабаққа оқушылардың қызығушылығын аудару үшін әрі көңіл- күйлерін көтеру мақсатында қима қағаздарда бейнеленген салемдесу үлгілерін таңдатып, оқушылар осы қимылдардың бірін таңдап, бір-бірімен іс-қимылдар арқылы сәлемдесті.
Сабақтың өтілу барысы оқушылар топқа қиял-ғажайып ертегілердегі сиқырлы заттар (сиқырлы сақина, ұшқыш кілем,т.б.) қиындыларын таңдап топтасты. Топтасып болған соң, оқушылар қиындылар бойынша өз ойларын ортаға салды, яғни бүгінгі сабағымыздың тақырыбы қиял-ғажайыпқа, яғни фантазияға байланысты екенін тауып, «фантазия» сөзінің берер мағынасына тоқталды. Слайдта «Фантазия» сөзіне берілген ғылыми анықтамамен өз көзқарастарын салыстырды. Сабақтың тақырыбы анықталған соң, оқушылар сабақтың мақсат-міндетін белгіледі.
Өткен сабақпен бүгінгі өтілейін деп отырған сабақты байланыстыру мақсатында оқушылар М.Мақатаевтың өмірі мен шығармашылығы туралы даярланған слайдтары бойынша таныстырылыдарын оқыды.
Таныстырылымдардың ішінде Сабырбай Ақниеттің жасаған таныстырылымы ерекше шықты. Оны бағалау кезінде топта отырған оқушылар да ескеріп өтті. Таныстырылымдағы материалдарды меңгергенін анықтау үшін «зымыран сұрақтарын» қойдым оқушылар берілген сұраққа тез әрі дұрыс жауап беруге тырысты. Сұраққа жауап толық берілмеген жағдайда оқушылар өздігінен толықтырулар жасап отырды. Жаңа материалды меңгеру үшін оқушылар
«Фантазия» өлеңін тізбек бойынша мәнерлеп оқып шықты, өлеңнің мән-мазмұнын түсініп болған соң, әдеби-теориялық талдау жүргізді.
Әдеби-теориялық талдауда ерекше көзге түскен Сейтова Айгерім болды. М.Мақатаевтың «Фантазия» өлеңі 11 буынды, 3 бунақты, қара өлең ұйқасымен құрылғанын дұрыс анықтады. Постерлерді қолдана отырып топқа бөлінген оқушылар:
1-топ:Ақын ертегідегі қиял мен бүгінгі шындықты қалай байланыстырған?
2.Шындық пен қиял
3.Менің қиялымдағы Қазақстан...
осындай тақырыптарда таныстырылымдар ұйымдастырды. Оқушылар тапсырмаларды ынтымақтаса отырып, орындады. Әрі өз ойларын еркін жеткізе білді.Сабақты қорыту кезінде Эдвард де Бононың «Ойлаудың алты қалпағы» стратегиясын қолдандым. Әр топтан екі оқушыдан шығып, қалпақтардың тапсырмаларын орындады. Кері байланыс кезінде оқушылар бұл сабақта қандай мәліметтермен танысқандарын айтып, стикерлерге өз ойларын жазды. Сабақ барысында қолдану кезінен кейін сергіту сәтін өткіздім. Әр кезеңді оқушылар «Екі жұлдыз, бір тілекпен», қол шапалақтаумен, топара бағалау критерийлерімен бағалап отырды.
Қорыта айтқанда, оқушылар топта ынтымақтаса жұмыс жасап, өз ойларын білдіріп отырды. Сонымен қатар бағалау жұмыстарын да біраз меңгерім қалды.
Бірақ сабақта кемшіліктер де болды оқушылардың жас ерекшеліктерін ескеріп, тапсырмаларды түрлендіру керек еді. Мұғалімдер тарапынан да деңгейлік тапсырмалар қолданылғанда дұрыс болар еді деген ұсыныстар болды.
Осындай кемшіліктерімді жөндеу мақсатында алдағы сабақтарда уакытты тиімді пайдаланып, тапсырмалар қайталанылмайтындай, тапсырмаларды түрлендіріп отырамын.
