Күні: 25.11.2020.
Тақырыбы: Кинезиологиялық жаттығулар.
Мақсаты: Кинезиологиялық жаттығулар арқылы балалардың гипербелсенділігін коррекциялау.
Міндеттері: психологтың топпен және балалардың өзара қарым-қатынасын орнату;
балалардың өзін-өзі реттеуін, қол моторикасын, қозғалыс үйлесімділігін, эмоционалды-экспрессивті қозғалыстарын, зейінін, қиялын дамыту;
балаларды психоэмоционалдық босаңсыту.
Әдіс тәсілдер: Кинезиологиялық жаттығулар, дидактикалық ойындар.
Құрал-жабдықтар: Сәлемдесу белгілері, ойыншықтар, «Белгілерді қой» бланктары, қызыл, сары, көк доп.
Сабақтың барысы:
І. Сәлемдесу рәсімі
Психолог: Сәлеметсіңдерме, балалар! Барлығымыз шеңберге тұрайық. Бүгін біз ерекше сәлемдесейік. Ол үшін тақтада ілініп тұрған белгілерге қарап өздеріңе ұнаған сәлемдесу рәсімін таңдап менімен сәлемдесіңдер..
Балалар: белгілер бойынша психологпен сәлемдесу түрін таңдап, амандасады.
ІІ. Байланыс орнату жаттығуы
«Біз адамбыз» жаттығуы.
Психолог: Балалар, біз барлығымыз бір адамбыз деп елестетейік, өзіміздің дем алғанымызды тыңдайықшы. Бәріміз бірге терең дем алайық.
Балалар: бір-бірінің дем алғанын тыңдап, терең демалады.
Психолог: Ал, енді жүрегіміздің соққанын тыңдайық: бір қадам алға - тук-тук, бір қадам артқа – тук-тук.
Балалар: бір қадам алға, бір қадам артқа жасайды.
Психолог: Біз өте мейірімді, сүйкімді адамбыз. Күннің сәулесінен алған жылулылықты бойымызға жинап, жақсы көңіл-күймен жүрейік. Жарайсыңдар, балалар!
ІІІ. Негізгі бөлім
Психолог: Ал балалар шеңберге отырайық қазір біз «Не өзгерді?» ойынын ойнаймыз.
- «Не өзгерді?» ойыны.
Мақсаты: Есте сақтау, ойлау, сөйлеу қабілеттерін және зейінін дамыту.
Ойын барысы: Психолог бірнеше ойыншықты балаларға көрсетеді де, көздерін қолмен жабуын сұрайды. Ойыншықтарға жаңа бір ойыншықты қосып қояды. Балалар көздерін ашып не өзгергенін анықтап, артық ойыншықты атайды. Ойынды бірнеше рет қайталау.
Психолог: Тамаша, балалар. Ал енді орнымыздан тұрайық. Шапалақты тыңдаймыз «Бақалар мен тырналар» жаттығуын орындаймыз.
- «Бақалар мен тырналар» жаттығуы.
Мақсаты: зейінді жаттықтыру, есту қабілеттерін дамыту және қозғалыс белсенділігін реттеу.
Ойын барысы: Барлығы шеңбер бойымен жүреді немесе бөлмеде еркін бағытта қозғалады. Психолог бір рет шапалақ соққан кезде, балалар тоқтап "бақа" болып отырады. Ойын жалғасады дегенде жүреді. Екі рет шапалақты естігенде балалар тырна болып бір аяқта тұрады. Ойынды бірнеше рет қайталау.
Балалар: психологты мұқият тыңдайды, жаттығуды орындайды.
Психолог: Жарайсыңдар, балалар!
- Созылу жаттығулары.
Мақсаты: балалардың өзін-өзі реттеуін, қозғалыс үйлесімділігін дамыту.
«Гүл өсті» созылу жаттығуы.
Психолог: Ал енді жерге ішімізбен жатайық.- Гүл өсті.
Балалар: алға қарай қолдарын қойып, созылады.
Психолог: бастапқы қалыпқа оралып, жатамыз. Бірнеше рет қайталайық. Енді, арқамызбен жерге жатамыз.
«Әткеншек» созылу жаттығуы.
Психолог: Аяқ- қолымызды жинап, әткеншек болып, тербелеміз. Бастапқы қалыпқа оралып, жатамыз. Бірнеше рет қайталайық.
Балалар: балалар жерде тербеледі.
«Доп» созылу жаттығуы.
Психолог: Қолымызды жоғары созып, доп болып домалаймыз.
Балалар: балалар жерде ұзыннан созылып, домалайды.
Психолог: Өте жақсы. Балалар енді үстелге отырып тапсырманы орындайық.
- «Белгілерді қой» ойыны.
Мақсаты: балалардың зейінін дамыту.
Шарты: үлгіде көрсетілген суреттердегідей белгілер қою.
Балалар тапсырманы орындайды.
Психолог: Тамаша, жарайсыңдар. Қолдарың шаршап қалған болар. Кәне, бәріміз қолымызға жаттығу жасайық.
- Қол моторикасын дамытуға арналған жаттығулар.
Мақсаты: Дененің кішкентай бұлшықеттерін тартып, мидың фронтальды бөліктері мен басқа бөлімдер арасындағы жүйке жолдарын ашу арқылы, интерполярлы өзара әрекеттесуді дамыту, еріксіз қозғалыстарды жою.
«Шам» жаттығуы.
Психолог: Алақандарымызды төмен қаратып, қолымызды алға қарай созамыз. «Шам өшті» дегенде бір қолды жұдырыққа жабамыз, «Шам жанды» дегенде жұдырықты ашамыз. Екі қолымыз кезек- кезек орындайды.
«Сақина» жаттығуы.
Психолог: Алақандарымызды жоғары қаратамыз. Бас бармақпен барлық саусақтарды кезек- кезек беттестіреміз.
Балалар жаттығуды орындайды.
Психолог: Жарайсыңдар! Шеңберге тұрайық. Қазір біз «Айқайлаймыз, сыбырлаймыз, тынышталамыз» ойынын ойнаймыз.
- «Айқайлаймыз, сыбырлаймыз, тынышталамыз» жаттығу.
Мақсаты: эмоционалды-экспрессивті қозғалыстарын, зейінін дамыту.
Шарты: Балалар қызыл түсті допты көрсеткенде, айқайлап жүгіреміз. Сары түсті көрсеткенде, ақырын жүріп, сыбырлаймыз. Ал көк түсті көрсеткенде, тынышталып, қатып қаламыз.
- «Тасбақаның туған күні» жаттығуы.
Мақсаты: балалардың өзін-өзі реттеуін, қозғалыс үйлесімділігін дамыту.
Шарты: Балалар, бір қатарға тұрып, тасбақа болып төрт аяқтап тұрады. Психолог «туған күнге келіңдер» дегенде балалар асықпай, жүреді. Ең соңғы жеткен бала жеңеді.
- Рефлексия.
Мақсаты: балаларды босаңсыту, қиялдарын дамыту.
Психолог: балалар терең тыныс аламыз.... көзімізді жұмамыз....
Өзімізді табиғат аясында жүр деп елестетейік....
Күн жарқырап шығып тұр...
Жап- жасыл ағаштардың жапырағы сылдырлайды....
Жылы самал жел сенің бетіңнен сипап өткендей.....
Судың сылдыры естілді...
Балалар терең тыныс аламыз.... көзімізді ашамыз.
Қорытынды.
Психолог: Бүгінгі сабақ сендерге ұнады ма?
-Сабақ күшті болды ма, әлде нашар болды ма?
-Кәне, қолмен көрсетейік. Қандай жаттығулар ұнады?
Балалардың жауаптары.
Жақсы қатысқндарыңа рахмет. Мен сендерге жақсы қатысқандарың үшін мынадай сыйлық бергім келеді,- деп смайликтар таратып беру. Әрқашан осылай күлімдеп жүріңдер балалар. Сау, болыңдар!
