Ана тілі
2 сынып
Сабақтың тақырыбы: Бала Мұхтар мен Абай
Сабақтың мақсаты:
- Білімділік: Абай мен Мұхтар жайлы мәлімет беру. Мәтіндегі негізгі ойды ұғындыру. Түсінгендерін қысқа, әрі нақты әңгімелей білуге үйрету.
- Дамытушылық: Оқушыларды шығармашылықпен жұмыс істеуге ықпал ету, қиялын жүйелеу, ойлау қабілеттерін жетілдіру, сөздік қорын молайтып, тіл байлығын дамыту.
- Тәрбиелік: Абайдың нақыл сөздері мен азаматтық бейнелері арқылы үлгі - өнеге алуға баулу. Өз ойын анық айтуға, достарының пікірлерін тыңдауға, ізденімпаздыққа тәрбиелеу.
Сабақтың түрі: аралас сабақ
Сабақтың әдісі: ой қозғау, түсіндіру, хабарлау, көрнекілік, интервью, ізденушілік.
Сабақтың көрнекілігі: М.Әуезов, А.Құнанбаев портреті, интерактивті тақта.
Пәнаралық байланыс: дүниетану, бейнелеу өнері, әуез.
Сабақтың барысы
І. Ұйымдастыру кезеңі
Оқушылар бір – бірінің қолынан ұстап,
«5- болсын алар бағамыз,
Білімнен бақыт табамыз» деп хормен айтады.
ІІ. Үй тапсырмасын тексеру
а) Үйге қандай тапсырма бергенін сұрау
Үйге берілген тапсырма Тұрсын Жұртбайдың «Қоңыр қозы» әңгімесін түсініп оқу, мазмұнын айту.
Мәтіндегі өздеріне ұнаған көріністердің біріне сурет салып келу.
ә) Мәтін бойынша сұрақтар қою.
- Табиғатты суреттеп берші.
- Әуез қарт қайда бармақ болды?
- Бала Мұхтар неге «Қоңыр қозы» атанған?
- Абай ауылында Мұхтар не нәрсеге қатты қызықты?
б) Оқушылардың шығармашылығын дамыту.
Суреттерді бағалап, үздігін тақтаға іліп қою.
ІІІ. Интервью.
- Мұхтар неге ойнамады? (балалар өз пікірлерін білдіреді)
- Өзің қандай ойын ойнайсың?
- Ұлттық ойындарды ата?
ІҮ. Оқулықпен жұмыс
Сөзжұмбақ шешу.
- Көктемде ненің шуағы молаяды?
- Төлдер қайда асыр салып жүр?
- Жер бетін қандай кілем жапқан?
- Қаңқылдаған қаздар қалай ұшып барады?
- Қаздар қайда қонады?
- Аспан қандай?
Сөзжұмбақтан шығатын сөз «Көктем». Көктем сөзіне байланысты 3 топқа тапсырма беру.
І топ ІІ топ . Көктем мезгіліндегі Көктемде атқарылатын
табиғат құбылыстары. жұмыстар
ІІІ топ
Көктем туралы өлең
Ү. Жаңа сабақ.
- Балалар, біз бүгін белгілі жазушы Тұрсын Жұртбайдың «Бала Мұхтар мен Абай» атты мәтінін оқып танысамыз.
- Мәтінді мәнерлеп оқу. Оқушыларға тізбектеп оқыту.
- Мағынасын тану.
Суретпен жұмыс.
Суреттен кімдерді көріп тұрсыңдар?
Абай Мұхтарға неге көңіл аударды?
Ол жайлы қандай көзқараста болды?
Абай қандай бата берді?
Атасы не деп сыбырлады.
Абай неге риза болды?
Дәптермен жұмыс.
- Сөздік жұмысы
Маңғаз – сабырлы, салмақты.
- Мақалды тауып жаз.
Еңбек етсең ерінбей,
Тояды қарның тіленбей.
Сергіту сәті.
Абайдың «Желсіз түнде жарық ай» әнін орындау.
Шығармашылық жұмыс.
Поэзия минуты.
Абайдың жыл мезгілдеріне байланысты жазылған өлеңдерінен бір –бір шумақ өлең оқу.(Қыс,Жазғытұры, Жаз,Күз,)
Пікірлер ағашы
|
ҮІ.Сабақты қорыту.
- Біз не білеміз?
- Мұхтар мен Абайдың дос, ұстаз екенін білеміз.
Сонымен, балалар, Абай да, Мұхтар да ұлы тұлға. Осы ұлы адамдардың өзіндік қасиетін анықтайық.
Абай Бала Мұхтар
ҮІІІ. Үйге тапсырма.
Мәтінді оқып, түсінік айту. Мәтін бойынша сурет салу
ҮІІ.Бағалау.
