Жеміс-жидектер

                                                                                      № 76 жалпы білімберетін мектептің

қазақ тілі пәнінің мұғалімі:

Көрегенқызы Ардақ 

Сынып: 6 «Е»

Сабақтың тақырыбы: Жеміс-жидектер

Сабақтың мақсаттары:

Білімділік: оқушылардың сабаққа қызығушылығын оятып, белсенділіктерін арттыру, өздері білетін жеміс-жидек атауларын пайдалана отырып, оны жаңа сөздермен толықтыру;  ойын элементтерін пайдалана отырып, күнделікті тұрмыста қолдана білу.

Дамытушылық: тапсырма орындауда оқушылырдың логикалық ойлау және шығармашылық талдау қабілеттерін дамыту.

Тәрбиелік: тілге деген қызығушылықты  арттыру, тиянақтылыққа, ынталыққа, ұқыптылыққа және дербестікке тәрбиелеу.

Сабақтың әдіс–тәсілдері: топпен жұмыс, пікір алмасу, шығармашылық жұмыс, әңгімелесу

Оқыту нәтижесі:

• оқушылар жан-жақты ойланады, ізденеді;
• топпен, жұппен жұмыс жүргізгенде ұйымшылдықпен, бірлесе отырып жұмыс істеуге үйренеді.
• өзін – өзі тани білуге және жеке тұлға болып қалыптасуға әрекеттенеді.

Түйінді идеялар:  өздерінің оқуға қабілетті екендігіне сенімді   оқушылар материалды тез әрі жақсы игереді. Олар ойларын оңай жинақтайды, терең ойланады. 

Сабақтың барысы

• 1-әрекет.Ұйымдастыру кезеңі:   (2 минут)
• Сәлеметсіздер ме, балалар! Бүгінгі сабағымыздыбастаймыз.
• сыныптың психалогиялық ахуалын қалыптастыру: «Шаттық шеңберін» құрғызып бір-біріне есімдерінің бас әріптерін қатыстырыптілектер айтады. Мысалы: Жәнібек- жақсы бала,  Максим- мықты оқушы, Лера-лайықты оқушы, Аделья-адал қыз. Евгения-ерікті қыз, Инабат- -ибалы қыз, Жантемір-жан досым, Ильхам-инабатты бала, Данил-дарынды бала

2-әрекет.  Үй тапсырмасын тексеру кезеңі (1, 3-модульдер) ( 3 минут)

Түйіндесу әдістеріне байланысты сызған сызбаларын оқушылар бір-бірінің жұмыстарын алдыларына берілген бағалау парағы бойынша бағалап шығады. «Менің бақшам» тақырыбына әңгіме жазу. Суретін салып келу. 

«5» 6 балл

«4» 5 балл

«3» 4балл

«3» 3 балл

«2» 2 балл

2 – әрекет. Жаңа сабақ  (1, 2, 3, 4, 5, 6, 7-модульдер)  (4 минут)

Қызығушылығын ояту. Ой қозғау. Өткен сабақтарды қайталау мақсатында оқушылар слайдта гиперсілтемемен жасалынған сұрақтарға жауап береді. (1, 2, 3 -модульдер). (Слайдтан бақтың суретін көрсетемін)

Сұрақтары:

1.Бұл не?

2.  Кімнің үйінде бақ бар?

3. Бақта не өседі?

4. Жеміс-жидектерді атаңдар?

Өткен сабақтарды қайталай отырып жаңа сабаққа көшу

Балалар осы тесті шешу арқылы сұрақтардың астында жасырын тұрған суретті ашады. Өз ойларын айту арқылы тақырыпты ашады (дұрыс айтасыңдар, бүгінгі жаңа тақырыбымыз «Жеміс-жидектер»). (1, 2, 3 -модульдер):

Жабдықтар: АКТ

3-әрекет. Топқа бөлу. (3 минут)

Енді оқушыларды өздері атаған жемістері бойынша топқа бөлемін. Үйден себетке салынған алма, мандарин, алмұрт алып келемін, себеттен өздеріне ұнаған жемістерді алу арқылы топқа бөлемін. 

1-топ.  «Алмалар» тобы

2-топ.«Мандариндер» тобы

3 топ.«Алмұрттар» тобы

4- әрекет. 3 минут

Мағынаны ажырату.«Дұрыс, бұрыс»кестесі.  Топқа тапсырма ортақ, бірақ әр топ мүшелері бірге кестені толтырады.

әр топтан бір оқушы шығып дұрыс емес жерін ашық айтып, қорғайды.

5– әрекет.Жаңа сөздермен жұмыс. (1, 4, 6,7-модульдер). (4 минут)

Интербелсенді тақтадан жаңа сөздерді көрсетіп, оқып, бірге қайталатамын. Енді осы жаңа сөздердің ішінен сендерге таныс емес сөздермен әр топ сөз тіркесін құратырады.  Дәптерлеріне орындайды.   

6-әрекет.Сергіту сәті. «Ағашта – жерде»(2 минут)

Жеке жұмыс: Жүргізуші бала

- алма, шие, өрік – балалар қолдарын көтереді.

- қияр, пияз, сәбіз – балалар қолдарын түсіріп отырады

бау – бақшада өседі!

7-әрекет.(4 минут)

Мәтінмен жұмыс. Мәтінді тақтадан бірінші мұғалім оқиды, оқушылар тізбекпен оқып шығады. Енді осы мәтіннен жаңа сөздерді тауып, атап шығады. (1, 2, 4 , 6,7-модульдер)          

8- әрекет.(5 минут)

Ой толғаныс.Мәтінді байланыстыра отырып «Көршіңді әңгімелеп бер!» (1, 2, 3-модульдер). Топта жұппен жұмыс. «Алма», «Мандарин», «Алмұрт»топтарына  тапсырма ортақ. 

• Сендер қандай жеміс-жидектерді ұнатасыңдар?
• Сен ұнатқан жемістеріңде қандай дәрумендер бар?
• Соны флипчарт бетіне түсіріп, топ мүшелері жайлы мәлімет бересіңдер.
• Жабдықтары:  А4 формат, түрлі- түсті қарындаштар.

9-әрекет.Сабақты бекіту. Шығармашылық жұмыс.   (5 минут)

Бірнеше жеміс-жидектердің суретін таратып беріп, осы жеміс-жидектерден не дайындауға болады? Флипчартқа дайындау әдісін жазады.

1-топ.  «Алмалар» тобына – шиенің суреті  

2-топ.   «Мандариндер» тобына – алманың суреті

3 топ.    «Алмұрттар» тобына – өріктің суреті 

 10-әрекет. Бағалау парақшалары арқылы өзін-өзі бағалайды. (4 минут)

Өзін-өзі бағалау

Аты-жөні: ----------------------------------------

11-әрекет. Үй тапсырмасы: (2 минут)

• Әр топ жеміс-жидектерге 5 жұмбақ құрастырып келеді. 
• 12-әрекет. Рефлексия. (4 минут)

• Сабақ не туралы болды?
• Бүгін сабақ сендерге ұнады ма?
• Бүгінгі сабақтың соңында қандай сезімде болдың?

(смайликтер арқылы көңіл – күйін білдіру)