Менің ойымша өз алдыма мен қандай ұстазбын деген сұраққа жауап берудің
алдында, мен қандай “Адам” болуым керек? - деген сұрақ туындайды.Адам болып
өмірге келу аз. Адамға лайық өмір сүру қажет. Сондықтан да“өзін - өзі тану”
мұғалімінің кәсіби міндеті – АДАМ болу. Адам болу үшін – жақсы мінез бен
ақыл, парасат қажет.“Ғылымды, ақылды сақтайтын мінез деген сауыты болады.
Ыстық судың мұзды ерітетіні сияқты, жақсы мінез де қателерді ерітеді. Сірке
суының балды бұзаты-ны секілді, жаман мінез де жақсылықты жояды”.Мен үшін
“өзін – өзі тану” пәнін беру, сыры терең, жұмбақ бөлек дүниеге ену.
Елбасымыз Н.Ә. Назарбаевтың: “Еліміздің ертеңі – бүгінгі жас ұрпақтың қолында,
ал жас ұрпақтың тағдыры - ұстаздардың қолында” деген қанатты сөзін
тұжырымдайтын болсақ, қазіргі уақытта балабақша тәрбиешісінен бастап, өз ісін
дұрыс жоспарлай алатын, басқа да ұстаздармен іс әрекеттесіп өзінің кемшіліктерін
түзете алатын, алдағы сабақ жоспарларын үнемі балаға тиімді етіп, қайта
жоспарлап жүретін ұстаз, көшбасшы болуы қажет деп ойлаймын.
“Звездочка на земле” фильмінен түйгенім, мұғалім мен ата-ананың баланы
түсіне білмегенінен, ішкі жан дүниесіне үңіле білмегенінің кесірінен балалардың
үлкен зардап шегетінін көріп отырмыз. Ал, мектепте мұғалімдер ішінен бір ғана
ұстаздың бала үшін қызмет ететінін көрдік. Тәрбиеші, ұстаз ең алдымен, бала
жанының тамыршысы болуы тиіс. Бала жүрегінің перделерін дәл тауып, оны
ойната білу оңайлықпен келмейді. Бұл ұстаздың өз мамандығына деген
сенімділігі, бейімділігінен, айқын мақсатынан және бала жүрегіне жол таба білуінен
көрініп тұр.Осы үшеуі мұғалім мейірімділігімен ұштасқанда нағыз тамыршы бола
алады. Оқытуға деген ынта, өзіндегі барды асқан мейірімділікпен жеткізе білуінен
ұстаз шеберлігінің бір қырын көрдік. Әрине, әркім өзінше бір әлем. Алдыңдағы
бала да солай. Әр үйдің патшасы, жұлдызы. Әр жұлдыздың жарқырап жануы
ұстазға байланысты деп ойлаймын. Менде осы балалардың жұлдызын жаға алдым
ба? – деген, мен осы баланы тани алдым ба?- деген ой болады. Өйткені алдыңда
отырған әр бала менен үнемі бізге бүгін апайым не айтады екен, - деп, үлкен
үмітпен күтіп отыратынын сеземін. Балалардың ойыны үстінде, жеке әңгімелесу
барысында, «мен сіз сияқты апай болам» - деген сөздерін естігенде, іштей риза
болып, одан әрі ізденіп, шыңдалуыңа қанат бітіргендей болады. Мерейлі
мамандықтың қазіргі қоғамда бағасы кеміп, бейнеті артты. Ы.Алтынсарин: «Мұғалім
бәрінен де қымбат, өйткені мұғалім - мектептің жүрегі» деген. Қалыптасқан
қағиданы бұзып, адамзат тарихындағы қадірлі мамандықтың қадірін кетіріп
жүрген, ата-аналар мен оқушылар арасындағы түсінбеушілік бар. Алайда,
жалақыны жал- пыға теңеп, бәріне бірдей баға беретін ата-ананың көзқарасын
өзгерту керек.
Ұлы ағылшын ағартушысы Уильям Уорд: “Жай мұғалім хабарлайды, жақсы
мұғалім түсіндіреді, керемет мұғалім көрсетеді, ұлы мұғалім шабыттандырады”-
дейді. Мен баланы шабыттандыру үшін, ол баланы түсінуге, кемшіліктері мен
артықшылықтарын, жақсы қасиеттерін табуға тырысамын.
Ұстаз мәртебесін көтеру-жаңашыл ұстазды қалыптастырудың бастауы
