«Бүгінгі ЖасҰлан – ертеңгі жас маман»
Балалар ұйымының ұстанымдарын өн бойына өрбіткен, сол мәдени ортаны игерген азамат – бүгінгі жас, ертеңгі ел тізгінінің иесі. Ол өз тарапынан мемлекет пен қоғамның дамуына өзінің сүбелі үлесін қосады.
Бүгінгі таңда жастардың жадындағы түйткілдердің түйінін тарқататын жастар ұйымдары құрылып, өз жұмыстарын жандарыруда. Мұндай маңызды ұйымның бірегейі – республикалық «Жас Ұлан» бірыңғай балалар мен жасөспірімдер ұйымы. Бұл ұйым балаларға жаңа ой әкеліп, өзекті мәселерді қозғап, жаңа серпін беруде.
Оқу жылы басында «Жас Ұлан» ұйымының тізімі мен бұрышы жасақталды. «Жас Ұлан» ұйымына биылғы оқу жылында «Жас Ұлан» /5кл/ - 149 оқушы, «Жас Қыран» /2кл/ - 205 оқушы қабылданды. Барлығы 354 оқушы.
2019-2020 оқу жылында жылдық жоспарға сәйкес «Жас Ұлан» ұйымы бойынша жүргізілген жұмыстарға тоқсалсақ:
- Жастар ұйымын бір жүйеге негіздеу арқылы қоғамның өркендеуіне пайда келтіретін бағыттағы қызметке баулудың көрсеткіші;
Олар: «Зерде» (танымдық)бағыты
Бұл бағытта белсенділер өздеріне жүктелген міндеттерін мүлтіксіз атқарып, шараларды белсенділікпен атқарды. Қыркүйек айында Білім күніне арналған салтанатты жиынға ат салысып, жоғары деңгейде атқарды. Одан әрі «Жас Ұлан» бөлмелері мен бұрыштарын жасақтады. «Ұстаз-ұлы тұлға» акциясын ұйымдастырып, өздерінің ұстаздарына деген жылы тілектерін құттықтау хаты арқылы жеткізді. Желтоқсан айында «ЖасҰлан» БМЖҰ қатарына 2-5кластарды қабылдау салтанатты жиынын жоғары деңгейде өткізді. Желтоқсан айында «Қош келдің, Жаңа жыл» шырша мерекесін тойлайда белсенділік танытып, тиянақтылықпен қатысты. Одан әрі наурыз мерекесінде белсенділер сабақ беріп, ұстаздарын бір қуантты. Қашықтықтан өткізілген түрлі байқауларға қатысып, жүлделі орындарға ие болды.
«Руханият» (адамгершілік, адалдық) бағыты
Бұл бағыттағы мүшелер адамгершілік пен адалдық бағытында шаралар ұйымдастырып, оқушылардың көңілдерін таба білді.
«Үш тілді білу-заман талабы» атты кітап көрмесін ұйымдастырып, оқушыларға өзіндік үлсетерін қосты. «Мейірімді жүрек» , «Қарттарым-асыл қазынам» атты акция аясында жасұландықтар мектеп жанындағы жалғыз басты ата-әжелер үйіне барып, қолдарынан келген көмектерін көрсетті.
«Отан» (патриоттық) бағыты
Патриоттық бағытта оқушылардың белсенділіктерін арттырып, түрлі шараларға тартты. Елбасы күніне орай ұйымдастырылған сап түзеуі мен қатар мектеп-гимназиясының Ұланбасын ұлықтау рәсімін ұйымдастырды. Аманжолов Алихан Ұланбасы ретінде ант қабылдап, өзінің жұмыс тобымен таныстырды. «Алғыс айтам сіздерге» атты акциясында мектеп-гимназия дәлізіне тақта орнатып, оған ұстаздарына, достарына деген жылы ықыластарын және алғыстарын білдірді.
«Салауат» (салауатты өмір салты) бағыты
Салауат бағытының жетекшілері денсаулық пен салауатты өмір салтына қатты мән берді. Мектеп-гимназия оқушыларының спортқа деген құлшыныстарын арттыру бағытында, Салауат бағыт жетекшілері мен хореограф Г.Р. Сундетовамен бірігіп, «Dance battle»байқауын 5-10 сыныптар арасында өткізді. Қоғамдық іс-шараларға белсенді қатысып, волонтерлер қозғалысының дамуына қосқан үлесі үшін Кайрушин Мейрамбек Орал қаласы әкімінің орынбасарының Дипломымен марапатталды.
«Еңбек» (еңбексүйгіштік, іскерлік) бағыты
Бұл бағыттағы жетекшілер еңбексүйгіштік пен іскерлікке, мектеп-гимназия оқушыларын икемділікке , еңбекке баулу бағытында жұмыстар атқарды. Осы бағытта қашықтықтан өткізілген шараларға қатысып отырды.
«Жеті жарғы» (құқықтық) бағыты
«Қауіпсіз білім ордасы» атты республикалық акциясы аралығында жасұландықтар көрсетілген жоспардағы шараларға белсенділікпен қатысты. Оқушылардың құқықтары мен міндеттерін мүлтіксіз орындауы үшін ат салысты.
«Экоәлем» (экологиялық) бағыты
Табиғат пен адамзат арасындағы байланысты сезінуге, қоршаған орта сұлулығын көре білуге, оны қорғауға, туған өлке табиғатын танып білуге, экологиялық мәдениетті қалыптастыру мақсатында оқушылар мектеп ауласында жоспарға сәйкес жазғы еңбек практикасына қатысады.
- Балалардың қоғамдық ұйымдарының бастамасы нәтижесінде жүзеге асырылатын дәстүрлі мәдени шаралар, акциялар, өзіндік жобалар;
Мектептің дәстүрлі мәдени шараларының бірі «Өзін-өзі басқару күнінде» ұстаздар күнімен, аналар мейрамында белсенділер сабақ беріп, ұстаздарын бір демалтты. Алтын күз, жаңа жыл мерекелерінде жасұландықтардан құрылған еріктілер тобы шараның өтуіне белсенділік таныта көмектесіп ат салысты. Жасұландықтар ұстаздар күні қарсаңында «Менің алғашқы ұстазым!» бірыңғай республикалық акциясы, ұстаздар күніне арналған мерекелік құттықтау, "Ұстазыңды қуант!" акциясы, қарттар күніне арналған «Мейірімді жүрек» акциясына белсенділік таныта қатысты. Сәуір айында өткен алғыс айту күнін насихаттау мақсатында «Сіз кімге алғыс айтар едіңіз?» акциясы өткізілді.
Осы уақытқа дейін балалар әлемінде талай ілкімді шаралар атқарған «жасұландықтар» талай жетістіктерге жетті. Солардың бірі, Мектептен тыс жұмыстар орталығының ұйымдастыруымен қалалық «Біз болмасақ, енді кім?» еріктілер форумына мектеп ұланбасы Аманжолов Алихан мен ұланбасының көмекшісі Тусупкалиева Ақжан қатысып Сертификатпен марапатталды. М.Мақатаевтың 89 жылдығына орай «Бір өлеңі-бір елдің мұрасындай» атты балалар мен жасөспірімдер арасындағы шығармашылық байқауға қатысып, Қажекен Назым Алғыс хатпен марапатталды. Сонымен қатар, «Абай 175ж» мерейтойына қарсы «JasOtan» ЖҚ бөлімшесінің ұйымдастыруымен өткен ойында 2 орынмен марапатталып, Дипломға ие болды. Қоғамдық іс-шараларға белсенді қатысып, волонтерлер қозғалысының дамуына қосқан үлесі үшін Кайрушин Мейрамбек Орал қаласы әкімінің орынбасарының Дипломымен марапатталды. 1облыстық дебаттық «Ұшқыр ой алаңы» турниріне қатысып, «Үздік оратор» номинациясымен Тыныштыбаев Рысбек Дипломмен марапатталды. Сонымен қатар, 3 дәрежелі дипломмен 1облыстық дебаттық «Ұшқыр ой алаңы» турнирінің жүлдегері аталды.
- Аға тәлімгердің қалалық, мектепішілік семинарларға қатысы, басылымдар мен әлеуметтік желілерге жұмыстарының жариялануы.
Директор жанындағы отырыстаРеспубликалық «Жас Ұлан» бірыңғай балалар мен жасөспірімдер ұйымының жұмыс жүйесі туралы айтылды. Жыл бойы істеліп жатқан жұмыстар жайында Инстаграм әлеуметтік желісіндегі мектеп парақшасына жариялап шығарып отырамыз.
