Ұйымдастырылған оқу қызметінің конспектісі
Білім беру саласы: Таным
Бөлімі: Сенсорика
Тақырыбы: Түрлі-түсті жолдар
Мақсаты: Түсі(көк, қызыл, жасыл, сары), көлемі(үлкен, кішкентай) бойынша балалардың түсініктерін қалыптастыру.
Міндеттері:
- Ұсақ қол маторикасын дамытуға арналған жаттығулар арқылы түстерді ажырата білуге баулу, заттың көлемі бойынша түсініктерін қалыптастыру.
- Сенсорлық ойлау қабілетін, ұсақ қол моторикасын дамыту.
- Балаларды байқампаздыққа, жұмысын аяғына дейін орындауға тәрбиелеу.
Көрнекі-құралдар: ленталар (көк, қызыл, жасыл, сары), тактильді қалпақшалар (жүн, мақта, акрил), карточкалар, кейіпкерлер ойыншықтар (қоян, аю), массаж төсеніштері, теледидар, шарлар.
Әдіс-тәсіл: түсіндіру, көрсету, сұрақ-жауап, ойын ойнату.
Сөздік жұмыс: үлкен, кіші, түсті қалпақшалар.
Өткізу барысы:
Кіріспе бөлімі:
Шаттық шеңбер:
Қайырлы таң, балалар!
Қолдарымыз, қайырлы таң! Сендер ояндыңдар ма? (сипаймыз)
Қайырлы таң, көздеріміз! Сендер ояндыңдар ма? (жұмып-ашамыз)
Қайырлы таң, аяғымыз!Сендер ояндыңдар ма?(тіземізді шапалақтаймыз
Біз ояндық! Алақай! Көңіл-күйіміз қалай? Былай! (Бас бармақтарын жоғары көтереді)
Негізгі бөлім:
Балалар, мыны төсеніштерге қарандаршы, өздері ерекше екен! Үстінен жүріп көрейікші. (Балалар массаж төсенішпен жүреді, қоянды кездестіреді) - Бұл не, балалар? Дұрыс, қоян! Қоянның көңілкүйі жоқ екен. Бізден көмек сұрайды. Көмектесеміз бе қоянға? Ендеше, үстелге келеміз, орнымызға отырамыз. 1. Дидактикалық ойын «Үлкен-кіші». Үстел үстіндегі карточкалармен жұмыс жасайды.
– Балалар, тәрелкенің ішінен қояндарды тауып алыңдар.
- Мынау қандай қоян? (үлкен)
- Ал мына қоян қанадай? (кіші)
- Дұрыс! - Енді, үлкен қоянға үлкен сәбізді береміз, ал кіші қоянға - кіші сәбізді. - Тамаша, балалар! Жарайсыңдар!
- Міне, біз қоянға көмектестік. Ол сендерге «Рахмет» айтады және бірге жаттығу жасауға шақырады.
Сергіту сәті. «Қоян» сергіту сәтін теледидардан көрсетіп, бейнеге назар аударту арқылы қызықтырып, қимылдарды қайталап билеу.
- Балалар, мына жерде де тосеніш жатыр екен. Қане, үстінен жүрейік. (Балалар массаж төсенішпен жүреді, аюды кездестіреді)
- Балалар, таныдыңдар ма? Бұл не? - Дұрыс, аю! Аю түстерді білмейді екен. Бізден көмек сұрайды. Аюға көмектесеміз бе? Жақсы, балалар!
2. Дидактикалық ойын «Түрлі-түсті жолдар». (Балалар тактильді қалпақшаларды таңдап алады. Сұқ және ортаңғы саусақтарына киеді де, сәйкес лентаны тауып, үстінен саусақтарымен жүреді).
- Мансур (Адина, Олег, Артем, Айлин, т.б.), сенің қалпақшаларының түсі қандай?
- Көк (қызыл, сары, жасыл).
- Қандай жолмен жүресін?
- Дұрыс! Аюға да көмектестіңдер. Жарайсыңдар, балалар!
Қорытынды:
- Бүгін нелерді кездестірдік? (Қоянды, аюды)
- Дұрыс айтасыңдар! Біз қоянды кездестірдік, аюды кездестірдік.
- Қоянға қалай көмектестік? - Ал аюға қалай көмектестік?
- Ұнады ма сендерге? - Маған да сендердің көмектескендерін ұнады. Жарайсыңдар, балалар! - Қоян мен аюдың сендерге арналған сыйлықтары бар екен! Ол, мыны тамаша шарлар! Алақай! Қанадай әдемі иә, балалар? Қане, бәріміз сыйлық үшін рахмет айтайық. - Рахмет!
