Мақсаты: Балаларға дұрыс жуыну ережелерін үйрету, киімді ретімен шешуді, киімдердің атын атай білуге үйрету.
Білімділік: Сұрақтарға қысқаша жауап беруге үйрету.
Дамытушылық: Ойындар арқылы сұрақтарға жауап беруге дағдыландыру
Тәрбиелік: Еңбекқорлыққа, тазалықа баулу.
Көрнекіліктер: шомылдыруға арналған заттар: су, сабын, сүлгі.
Әдіс–тәсілдері: көрсету, әңгімелеу, сұрақ-жауап, түсіндіру, ойын.
Қостілдік компонент: сүлгі-полотенцо, сабын-мыло, су-вода.
Сабақ барысы:
1. Кіріспе бөлім. Әңгімелеу
Тәрбиеші балалармен тазалық туралы сөйлеседі.
Тәрбиеші үстел үстіне су құйылған астауды және қуыршақтың таза киімдері, сүлгі, сабын сауытты қояды.
(Балалар тыңдайды, білуге талпынады. Қайталайды.)
2. - Балалар, бізге қуыршақ Әлия қонаққа келді.
(Қуыршақ Әлияға таңғалады)
- Әлия, сен неге көңілсізсің? Қуыршақ Әлияның үстінің кір болып кеткенін айтып, менен өзінің шомылдыруды өтінеді.
(Әлияның кір болғанына аяушылық танытады)
- Кәне балалар, Әлияны бірге шомылдырайық. Киімін шешіп, таза, жылы суға шомылдырайық.
- Қуыршақты шомылдыру үщін қандай заттар қажет?
- Астау, сабын, сабын сауыты, сүлгі.
Киім шешу ретін көрсетеді. Шешіп отырып, киімдерінің аттарына айтып отырады: баскиім, аяқкиім, көйлек.
(Қамқорлық көрсетуге ұмтылады.
Киімінің шешу ретін, киімнің аттарын білуге, үйренуге талпынады.)
- Қандай суға шомылдырамыз?
- Жылы суға. Әлішер астаудағы суды көреді де, «жылы» дейді.
- Балалар, апаларың сендерді үйде қандай сумен шомылдырады?
- Жылы суға.
Ыдысқа су құйып, сабынмен денесін сабындап, жуындырамыз.
Қуыршақтың басын сабынмен көпірте жуып жатып:
Сабындаған кезінде,
Ашытады көзіңді.
Тап-таза етер өзіңді,
Тазалықтың досы -
Су дегенің осы!
(Тәрбиешімен бірге қимыл-қозғалыстар жасайды)
- Балалар қуыршақтың үстін құрғату үшін не керек?
Балалардың жауабы:
- Сүлгі.
Екі-үш бала Әлия қуыршақты құрғатып сүртіп, киімдерін киіндіреді.
- Қандай киім кигіземіз?
- Бас киім, көйлегі, нәскиі.
- Балалар, Әлияны жуындырдық, киіндірдік, енді ұйықтатайық, жылы төсегіне жатқызып, жәй-жәй өлең айтайық.
«Бесік жырын»
Әй,әй, бөпем
Әлди бөпем, көкешім,
Ұйықтай қойшы-ай.
Балалар өлеңді бірнеше рет қайталайды.
Дидактикалық ойын: «Қуыршақты жуындыру үшін не керек?».
Керекті құралдар: ойыншық, машина, сүлгі және т.б.
Ойынның шарты: мына заттардың ішінен қуыршақты жуындыру үшін керекті заттарды табу.
(Ойынды қуана ойнайды.
Балалардың көңілдері көтеріңкі.
Жуындыруға қажетті заттарды айтуға тырысады.)
Қорытынды:
Сұрақ-жауап әдісі арқылы оқу іс-әрекетін қорытындылайды.
- Жуыну үшін қандай заттар керек?
- Қандай киімдерді білесіңдер? және т. б.
(Сұрақтарға жауап беріп үйренеді.
Жуынуға қажетті заттарды біледі.)
Балаларды мадақтау.
Күтілетін нәтиже:
Біледі: киімдердің аттарын
Игереді: Тазалық туралы түсініктерді
Меңгереді: киінудің, шешінудің ретін.
Қуыршақты шомылдырып, ұйықтатамыз
