Жас ұрпақтың өсіп-өнуіне әсер ететін факторлардың бірі дәстүрлі мәдениетіміздің бір бағыты халықтың ұлттық ойындары болып табылады.
Халықтың тарихи айнасының жалғасы ұрпақтан-ұрпаққа мұрагерлік мирас жолымен жететін мәдениеті, оның ішінде біз қарастырып отырған дәстүрлі халық ойындарын қазіргіжас ұрпақ өміріне енгізу, сонымен қатар бұл мәселені күн талабына сәйкес педагогикалық талаптар аясында баланың денсаулығына пайдалы жақтарын елестете отырып, іске асыруды орындау қазіргі дербес қазақ ғылымының зерделеуді қажет ететін өзекті тақырыптардың бірі болып табылады.Бұл жобада ұлттық халық ойындарын қолданудың негізгі мақсаты бала бойындағы дене күшінің сапалық қасиеттерін дамытып жетілдіумен қатар, оның мінез-құлқы мен адамгершілік қабілеттерін сәби кезеңнен тәрбиелеуге ұлттық ойындардың пайдалы ықпалы бар екендігін көрсету өзектілігін айқындай түседі. Сондықтан мектеп жасындағы балалардың дене шынықтыру проблемасына ұлттық ойындардан құралатын қимыл-қозғалыс элементтерін енгізе отырып бала денесінің дұрыс қалыптасуына әсерін зерттеу бүгінгі күнгі өзекті тақырыптың бірі болып отыр.
Бала тәрбиесінде әсіресе мектептегі балаларға арналған мемлекет тарапынан қабылданып жатқан заңдар мен нормативтік құжаттардың қазіргі бала тәрбиесіне арналған бағыттарында ұлттық мәдениет, ұлттық дәстүрді көптеп қарастыру қазіргі уақыт талабы екендігі анықталды.
Қазақстан егеменді ел ретінде қалыптасып бүкіл дүниежүзілік саяси аренадағы орны айқындалып жатқан кезде балалардың болашақта білімді болуымен қатар, дені сау азамат болып өсуіне, елінің мәдениетін, салт-дәстүрін білетін патриот болуына ұлттық ойындардың атқаратын рөлінің зор екендігін ескере келіп, ұлттық ойындарды балабақшадағы белсенділік орталықтан бастап үйрету таңдап алған тақырыптың өзекті екендігін айқындайды.
Мектеп жасындағы балаларды халықтың педагогика негізінде тәрбиелеуде топта жұмыс жасаудың маңызы қазіргі таңда үлкен әлеуметтік мәнге ие болды, себебі Егменді Қазақстанның болашағын жалғастыратын қазіргі жас ұрпақтың дені сау, білімді, мәдениетті болып өсуі қазіргі білім тәрбиенің жолға дұрыс қойылуына байланысты. Ал сол дене тәрбиесін халықтың ұлттық ойындарымен ұштастыру баланың ұлттық санасының дамуына, денсаулығын сақтауына ықпалы бар екендігіне көз жеткізіледі.
Ұлттық ойындар баланың дүниені танып білуіне қадам жасар алғашқы өмір кезеңінде тікелей қоршаған ортамен байланысын, адамдармен қарым-қатынасынарттырушы құрал екендігі дәлелденді.
Қазақ халқының ұлттық ойындары жеке аадамдарды тәрбиелеу құралы ғана емес, қоғамдық ортаға тәрбиелеп, үлгі берерліктей әлеуметтік құрал ретінде күрделі қызмет атқаратындығы айқындалды.
Мектеп жасындағы балалардың жас еркешеліктеріне сәйкес денесін дамытуда қимыл-қозғалыс жаттығулары мен ойындар негізінде күнделікті ойын дағдысына айналдырсақ баланың денесін шынығып, өмірде қажетті қозғалыс ағдыларының артатындығы анықталды. Бала ағзасын қалпын келтіру үшін де шынықтыру сабақтарын мақсатсыз ойындар арқылы емес, жүйелі түрде жинақталған ұлттық ойындар негізінде өткізу пайдалы екнедігі дәлелденді.
