Мақсаты:оқушылардың тіл туралы танымдық деңгейін көтеру, білімді болуға үйрету, бірнеше тіл білуге, үйренуге деген қызығушылықтарын арттыру, ой-өрісін, ойлау қабілеттерін дамыту, шығармашылыққа, балаларды озық ойлы оқушы болуға тәрбиелеу.
Көрнекілік: интерактивті тақта, слайдтар.
Жүргізуші: Алдабергенова А.М.
Балалар, біздің мектепте қаңтардың 21-нен 25-не дейін қазақ тілі мен қазақ әдебиеті пәндерінің апталығы болып жатыр.Бүгінгі сайысымызды да қазақ тілі мен әдебиеті апталығына арнаймыз.
Оқушылардың арасындағы достықтықтың атмосферасын қалыптастыру мақсатында «Досым,саған сәттілік» ширату тренингтен басталады.
Оқушыларды «Молекула» әдісі арқылы 2 топқа бөлу
Сайыста екі топ сынға түседі. Әр топтың аты, ұраны болу шарт. Ойын 5 бөлімнен тұрады.
І.Өзін-өзі таныстыру
ІІ.Білгірлер сайысы
ІІІ. Тіл- өнер
ІV.Қызықты ұйқастар
V.Мықты болсаң, тауып көр
І топ: «Бәйтерек»
Ұраны: «Тіл бар жерде - өмір бар»
ІІ топ «Сұңқар»
Ұраны:
«Сүйемін туған тілді - қазақ тілін»
Ал осы сайыстың әділ баға беретін біздің қазылар алқасын таныстырып өтейін:
1. _________________________________________________________________
2. _________________________________________________________________
3. _________________________________________________________________
Ана тілі қазағымныңқаймағы,
Тілің сенің өміріңнің айғағы.
Бүгін міне, тіл туралы сайысқа,
Білгірлері 5 сыныптың шығады.
I - бөлім - Өзін-өзі таныстыру. Әр команда өз – өзін таныстырады.
ІІ бөлім: Білгірлер сайысы. Қиындығынабайланысты әр тақырыпқа(бағытқа) сұрақтар берілген,сол сұрақтарға жауап беру керек.
III бөлім -Тіл - өнер
Мақалдың жалғасын табу керек. Әрбір дұрыс жауап 5 ұпай беріледі.
І топқа:
1. Ең тәтті де тіл,… (ең ащы да тіл)
2. Оқу- білім бұлағы, … (білім- өмір шырағы)
3. Өнер алды… (қызыл тіл)
4. Ашу-дұшпан, … (ақыл-дос)
5. Тіл қылыштан … (да өткір)
6. Отан … (оттан да ыстық)
ІІ топқа:
1. Шебердің қолы ортақ,… (шешеннің тілі ортақ)
2. Отансыз адам- … (ормансыз бұлбұл)
3. Ер жігіт елі үшін туады, … ( елі үшін өледі)
4. Мектеп- кеме, … (білім-теңіз)
5. Жақсы жолдас жанға серік, … (жаман жолдас малға серік)
6. Қыз елдің көркі,… (гүл жердің көркі)
ІІІ. ІV бөлім: Қызықты ұйқастар
Екі топтың әр мүшесі жылдамдықпен сөздердің ұйқасын тауып айтады.
І топқа
1. Жизнь-өмір, уголь-(көмір)
2. Число-сан, кровь-(қан)
3. Молоко-сүт, жди-(күт)
4. Человек-адам, шаг-(қадам)
5. Таможня-кеден, пол-(еден)
6. Зуб-тіс, дело-(іс)
ІІ топқа
1. Возьми-ал, мед-(бал)
2. Рыба-балық, народ-(халық)
3. Дверь-есік, колыбель-(бесік)
4. Город-қала, ребенок-(бала)
5. Лето-жаз, гусь-(қаз)
6. Игра-ойын, шея-(мойын)
V бөлім:
Берілген жұмбақты шешіп, жауабын қазақ, орыс, ағылшын тіліне аудару керек.
І топқа
1.Үй үстінде алтын тас,
Алайын десе табылмас. (жұлдыз; звезда; star [ста])
2.Тұмсығымен қозғалар,
Артында аппақ із қалар. (бор; мел; chalk [чок])
3.Қабат-қабат қаттама,
Ақылың болса аттама. (кітап; книга; book [бук])
4.Білімді мыңды жығады,
Білекті … жығады. (бір; один; one [уан])
5.Сырты тәтті, іші тәтті,
Ортасы сүйек қатты. (алма; яблоко; apple [эпл])
ІІ топқа
1.Бар ма, жоқ па, оны анық білмейсің,
Ол жоқ жерде өмір сүріп жүрмейсің (ауа; воздух; air [эйа])
2. Қалқиып ұзын құлағы
Елеңдеп қорқып тұрады (Қоян - заяц - carrot)
3.Жоқ өзінде бас та, қас та, мойын да,
Ұзындығы жазулы тұр бойында. (сызғыз; линейка; ruler [руле])
4.Жылт-жылт етеді,
Жылғадан өтеді. (су; вода; water [уата])
5.Өзі сөйлей білмейді,
Салған ізі сөйлейді. (қалам; ручка; pen [пен])
VІ. VІІ. Жұлдызды сәт
І) Белсенді жауап берген оқушыларды марапаттау.
Бүгінгі сайысымызды қорытындылап, жеңімпаз топты анықтау үшін қазылар алқасына сөз берелік.
Құрметті ұстаздар, оқушылар! Осымен бүгінгі «Жүзден жүйрік, мыңнан тұлпар» атты ашық тәрбие сағатымыз өз мәресіне келіп жетті. Жарыс болған соң жеңіс пен жеңіліс қатар жүреді. Жарыста жеңілсек те, өмірде оқуда жеңіске жете берулеріңе тілектеспін.
Келесі сайыс алаңында кездескенше, сау болыңыздар!
